網紅的藏寶箱知道天文台又話打唔成風，只係周日有一兩陣雨，唔少人inbox問點解要延期。
係度解釋下，我哋之所以喺尋日（星期四）晚上10pm決定改期，係因為唔想last minute先通知檔主以及公眾延期安排！過去幾日，我哋一直留意住颱風路徑發展，仲睇埋台灣同菲律賓嘅天文圖，直到尋晚都一直都顯示住個颱風係照住原定路徑移動，並有機會掛三號風球！基於今次市集有超過100個檔主，如果我哋到星期五呢個時間先至公佈改期與否，我哋並唔會有足夠時間去通知眾多檔主及公眾改期消息同埋set場，檔主及公眾亦未有足夠時間消化資訊，可能唔知道改期信息聽日仲傻更更去咗市集！另外，今次市集活動場地係非常空曠嘅戶外位置，我哋唔願意承受任何打風同落雨對大家造成嘅安全風險。
而呢個決定都係參考返以往戶外市集打風安排嘅經驗，避免返因為last minute先決定改期與否而造成嘅混亂。
雖然而家周末大機會打唔成風，但係天氣嘅變化無人控制到，我哋只係就星期四夜晚所能預測嘅情況作出決定，令檔主同公眾都有充俗嘅時間同心理準備去應付。
我哋知道因為打唔成風，呢個決定未必能夠滿足所有人，令到大家失望，在此我哋深表致歉！呢個市集我哋一直都好多畀心機去籌備，我哋會繼續盡心盡力去預備。所以，改期呢個決定並唔會改變，改期日子基本上已定，並會於稍後公佈！
多謝大家留意及支持！
辛苦晒 White Market！
Search